2024 წელს შუა დერეფნით ჩინეთიდან ევროკავშირში 55,000 TEU კონტეინერი გადაიზიდა, რაც არსებული 80,000 TEU გამტარუნარიანობის თითქმის 70%-ს შეადგენს.
კონტეინერიზირებული გადაზიდვების ზრდა ხაზს უსვამს მისი პერსპექტიულობას და ინფრასტრუქტურის გაუმჯობესების აუცილებლობას. 2024 წელს ჩინეთ – ევროკავშირს შორის საქონელბრუნვამ 786 მილიარდი დოლარი შეადგინა, რაც 100 მილიარდი დოლარით აღემატება ჩინეთსა და აშშ შორის საქონელბრუნვას.
ბოლო პერიოდში რუსულ პრესაშიც კი შუა დერეფნისადმი, როგორც კონკურენტი მარშრუტისადმი, პოზიტიური შეფასებები გაჩნდა, მაშინ როცა ადრე მას უგულებელყოფდნენ.
შუა დერეფნის სტაბილურობა და ზრდის პოტენციალი კვლევებითაც დასტურდება - პროგნოზის მიხედვით, 2027 წელს მისი გამტარუნარიანობა 6-დან 10 მილიონ ტონამდე გაიზრდება, ხოლო კასპიის ზღვაზე ინფრასტრუქტურის განვითარებით შესაძლებელი გახდება 80,000 TEU-ის გადაზიდვა.
შესაბამისად, ჩინეთი-ევროკავშირის სახმელეთო საკონტეინერო გადაზიდვები შუა დერეფნის საკვანძო მიმართულებად ყალიბდება.
